نور علي زريق – تتارجح النجمة شيرين عبدالوهاب بين عالمين منفصلين حياتها الشخصية والمهنية ، اذ أدى بها الزمن للوقوف على حافة الهاوية ضائعة لا تعلم ماذا تفعل، أترمي بنفسها إلى الأمام فيختّل توازنها وتقع في مقبرة لا نهاية لها، أم ترجع خطوة نحو الوراء لتعيد كتابة القصة ذاتها، التي لا تعلم إلى أين سوف تأخذها إلى الهاوية من جديد أم إلى نهاية لا بأس بها. في كِلا الحالتين هي عاجزةٌ عن الهرب في ظل الزوبعة الاعلامية التي عصفت بها بسبب علاقتها بالفنان حسام حبيب، اذ ضجت مواقع التواصل بالتعليقات السلبية عن موضوع رجوعها له، ولكن الفنانة نانسي زعبلاوي ابت ان تبحر مع التيار اذ سجلت موقف يدعم قضية شيرين فقامت بكتابة منشور على موقع انستغرام علقت فيه عن الموضوع.
تطرقت نانسي اولا بالحديث عن العلاقة الزوجية و ضغوطات الحياة بحيث قالت :
” بوست مو وقته بس من كمية الاستفزاز يلي حاسة فيها ماقدرت إلا ما أحكي ، العلاقة الزوجية متلها متل أي علاقة تانية بالحياة فيها استقرار بعدو طلعة بعدو نزلة ومرات بيصير فيها شرخ بس الفرق بينها وبين باقي العلاقات الانسانية التانية إنها علاقة معقدة التركيب قابلة جدا جدا للترميم بعد كل شرخ بحسب طبيعة الأشخاص ، هي العلاقة يلي قدسها رب العالمين و على أساسها انوجدت البشرية أجمعين والرباط يلي بيجمع الزوجين بكتير من المرات بيكون أقوى وأمتن من الرباط يلي بيجمع الأهل بولادهن والسر ماحدا بيعرفه كمان غير ربنا قليل شو منسمع عن مشاكل زوجية رجعت بعدها الحياة لمجاريها ورجعوا الزوجين فتحوا صفحة جديدة وكأن شيئا لم يكن ؟!
قليل شو منسمع عن أخطاء كبيرة وجمة غفرتها الزوجة لزوجها وكمان رجعت المياه لمجاريها قليل شوفي مشاكل زوجية مخباية ورا حيطان البيوت مابيعلم فيها غير ربنا كبرت وصغرت واختفت واتنازلوا الأزواج فيها عن كل الخلافات لتستمر حياتن مع بعض “.
وبعدها تابعت حديثها مباركة شيرين و حسان وجوههم لبعض :
” بعد كل يلي حكيتوا ، ليش منضل مستغربين
أنو حسام حبيب وشيرين رجعوا لبعض ؟
الفرق بين علاقتهن وأي علاقة زوجية تانية أنو مشاكلهم طلعت للعلن ، لأنهم شخصيات عامة وطلعت بطريقة مربكة واتدخلت فيها أطراف كتيرة والكل صار بدو ينصب نفسه وصي عليهن وعلى هي العلاقة الزوجية بينهن ، نهاية الموضوع طالما شايفين هنن أنو لسا علاقتن بتستاهل فرص يرجعوا .. هنن أحرار يرجعوا مرة وتنين وعشرة، يلي بينهم مابيعلم فيه إلا رب العالمين ، بكفي نحاكم ونحكم على ظواهر الأمور
ماحدا فينا معصوم عن الغلط و الخطأ بين الأزواج لازم يغتفر لتستمر الحياة طالما هنن عندهن هي النية بالاستمرار، شيرين وحسام مبروك رجعتكن
بتمنالكن السلام وهداوة البال والطمأنينة والراحة وتكون هي التجربة بكل مافيها من عثرات حجر الأساس لعلاقة متينة بينكم بأيامكم الجاية .
