الأرقام في العامية العربية عندها إستخدامات مختلفة ومحددة جداً مثلاً
– (60).. يستخدم رقم (60) فقط وحصرياً للشتيمة، مثل (ابن “60” كلب).. ومافي شي أبدا ً اسمه (ابن 50 كلب) ولا (ابن “70” كلب)
هي بس 60 كلب ..
-يستخدم رقم (60) كمان لوصف اسوأ مكان أو وجهة ..
(انقلع ب 60 داهية) او روح انشالله 60 عمرك ..عمره ما حدا انقلع ب 80 داهية مثلا ابدا ودائما 60 عمرك ولا مرة كانت 50 عمرك.
-تستخدم في العامية (100 100) لوصف الحالة الجيدة..
(أنا تمام يا معلم الحمدلله وكله “100 100”)
-أما (10) فتستخدم لوصف جودة الأشياء أو الأفعال ..
(الشغل 10 على 10) أو فتح عيونك 10 على 10 يعني انتبه..
-يستخدم رقم (1000) تحديداً في التهنئة..
-(1000 مبروك).. مافي 100 مبروك مثلا !!
-يستخدم رقم (7) في وصف ظاهرة غريبة جداً، وهي الحيرة الشديدة أو البحث المتواصل والمتعب عن شيء أو شخص مثلا : فتت ب 7 حيطان وما عرفت.. او قطعت ال 7 بحور وما لقيت هالغرض..
كما يستخدم رقم (7) للتعبير عن النوم العميق..
(ما رح يرد عليك شكله رايح ب “سابع” نومة)..
ما في خامس سادس نومة دايما سابع.
– أطول مدة زمنية في الكون هي (الساعتين ).. (قعد يحكي “ساعتين” بنفس القصة !).
بينما أقصر كلام هو يلي بنقوله في (كلمتين فقط)-
هنن “كلمتين” ورد غطاهن…
-الشخص القلق بتلاقيه قاعد (يضرب اخماس باسداس).. وهي عملية حسابية معقدة جداً جداً..
الأرقام منستخدمها بحياتنا الإجتماعية اكتر ما منستخدمها بالرياضيات..
راقت لي ..
رنا اسعد